Mostra de Educación Ambiental
A Mostra de Educación Ambiental pretende ser un espazo onde amosar ao público asistente diferentes axentes da Educación Ambiental, recursos que producen e servizos que realizan.
Esta Mostra está aberta á participación expositiva de tres colectivos preferentes:
- - Federacións, Asociacións e ONGs.
- - Empresas que se dedican especificamente ou prestan servizos ocasionais á Educación Ambiental: produción de materiais, equipamentos ...
- - Institucións públicas e privadas, como concellos, departamentos da administración autonómica, universidades, etc., con traballo específico no ámbito da Educación Ambiental.
A participación na Mostra concrétase na presentación dun póster de 100cm de alto e 80cm de ancho, onde se recollan os aspectos básicos da actividades ou iniciativas a difundir. Adicionalmente poderanse expor outro tipo de materiais tales como folletos, libros, vídeos, etc.
Cada entidade participante disporá de:
- - Un soporte vertical onde colocar o póster.
- - Unha mesa para situar folletos, libros e outras publicacións.
- - Toma de corrente eléctrica para conectar algún dispositivo audiovisual (proxector, televisión, ordenador portátil, etc).
Para facilitar a organización da Mostra pregamos nos indiquen, á maior brevidade, a súa intención firme de participar na mesma e as súas necesidades específicas en relación coas infraestruturas mencionadas.
As entidades interesadas en participar na Mostra deben enviar antes do 15 de abril seguinte formulario que resume as características básicas para a participación
